घरातून नायलॉन मांजाची चोरून विक्री करणाऱ्या दोघांवर कारवाई
६ हजारांचा मुद्देमाल जप्त
। अहमदनगर । दि.15 जानेवारी 2024 । जीवघेण्या मांजामुळे अनेकांच्या जीवितास धोका निर्माण होतो. यात मुले, पशु पक्षी, वाहनधारक, पादचारी आदींच्या जीवावरही बेतते त्यामुळे मांजा विक्री आणि खरेदीवर कडक निर्बंध घालण्यात आले आहेत. मात्र नगर मधील दोघांनी आपल्या घरातूनच मांजा विक्री केल्याने त्यांच्यावर कोतवाली पोलिसांनी कारवाई केली आहे.
हे वाचा... जिल्ह्यातील दहा पोलीस निरीक्षकांची बदली!
सुमित मनीष लोढा व शुभम किशोर फुलसौंदर (दोघेही रा.नगर) अशी कारवाई केलेल्यांची नावे आहेत.या दोघांकडून मिळून २६ हजारांचा मुद्देमाल ताब्यात घेण्यात आला आहे.
याबाबतची माहिती अशी की कोतवाली पोलिसांना माहिती मिळाली की, एक इसम त्याच्या राहत्या घरातून चायना नायलॉन मांजाची विक्री करत आहे. या माहितीवरुन पोलीस निरीक्षक चंद्रशेखर यादव यांनी तात्काळ छापा टाकून कारवाईचे आदेश दिले.
हे वाचा... श्री राम मंदिर प्राणप्रतिष्ठानेसाठी अण्णांना निमंत्रण
या कारवाईत सुमित लोढा याच्याकडून ७ हजार ५०० रुपये किमतीचे १५ विविध रंगाचे नायलॉन बंडल, ७ हजार रुपये किमतीचे ७ नायलॉन मांजा गुंडाळालेल्या चक्री व ३ हजार रु. किमतीची मांजा गुंडाळण्यासाठी वापरण्यात आलेली इलेक्ट्रिक मोटार असा एकूण १७ हजार ५०० रुपयांचा मुद्देमाल हस्तगत करण्यात आला, दुसऱ्या कारवाईत शुभम फुलसौंदर याच्याकडून ४ हजार ६००रु. किमतीचे मांजा असलेले सात बंडल व मांजा गुंडाळण्यासाठी असलेली ४ हजार किमतीची इलेक्ट्रिक मोटार असा एकूण ८ हजार ६०० रुपयांचा मुद्देमाल हस्तगत करण्यात आला आहे.
हे वाचा... गुटखा वाहतूक करणाऱ्या सहा जणाविरुध्द कारवाई
मुंबई उच्च न्यायालय, औरंगाबाद खंडपीठ यांचे ९०७ सुमोटो एप्लिकेशन क्र.८/२०२० अन्वये या दोघांवर भा.द.वि.कलम १८६० चे कलम १८८, ३३६ सह पर्यावरण संरक्षण अधिनियम १९८६ चे कलम ५ प्रमाणे कोतवाली पोलीस ठाण्यात गुन्हा दाखल करण्यात आला आहे. ही कारवाई पोलीस निरीक्षक चंद्रशेखर यादव यांचे मार्गदर्शनाखाली पोलीस उपनिरीक्षक गजेंद्र इंगळे पोलीस अंमलदार तन्वीर शेख योगेश भिंगारदिवे, अविनाश वाकचौरे, ए पी इनामदार, शाहीद शेख, रवींद्र टकले सलीम शेख, अमोल गाढे, संदिप थोरात, सुजय हिवाळे, सोमनाथ राऊत, प्रमोद लहारे प्रशांत लोळगे महिला पोलिस हवालदार कल्पना आरवडे, परमा सागर यांच्या पथकाने केली आहे.
हे वाचा... राज्यस्तरीय उत्कृष्ट पत्रकारिता पुरस्कार लोकमंथन चे सुधीर पवार यांना प्रदान