। पुणे । दि.14 जुन । राष्ट्रवादी काँग्रेस पक्षाकडून राज्यसभेची उमेदवारी कोणाला मिळणार ? याबाबता सस्पेन्स संपला असून, गुरूवारी राष्ट्रवादी काँग्रेस अजित पवार गटाकडून सुनेत्रा पवार यांनी आज मुंबईतील विधानभवनात राज्यसभेसाठी उमेदवारी अर्ज दाखल केला. यावेळी उपमुख्यमंत्री अजित पवार यांच्यासह खासदार प्रफुल्ल पटेल, प्रदेशाध्यक्ष सुनिल तटकरे, ज्येष्ठ नेते तथा मंत्री छगन भुजबळ, विधानसभा उपाध्यक्ष नरहरी झिरवळ आदी मान्यवर उपस्थित होते.
👉 मनोज जरांगे पाटील यांचे उपोषण स्थगित
बारामती लोकसभा निवडणुकीत झालेल्या पराभवानंतर सुनेत्रा पवार यांची राज्यसभेवर वर्णी लागणार अशी चर्चा सुरू होती. त्याचबरोबर राज्यसभेच्या जागेसाठी सुनिल तटकरे, प्रफुल पटेल यांचेही नाव आघाडीवर होते. अखेर या सर्व चर्चांना पुर्णविराम मिळाला असून राष्ट्रवादी काँग्रेसकडून अखेर सुनेत्रा पवार यांच्या नावावर शिक्कामोर्तब करण्यात आले आहे.
👉 पावसाची हजेरी ; शेतकर्यांमध्ये समाधान
दरम्यान, राष्ट्रवादी काँग्रेस पक्षाच्या वरिष्ठ नेत्यांची बुधवारी रात्री अजित पवार यांच्या देवगिरी या निवासस्थानी बैठक झाली. या बैठकीत सुनेत्रा पवार यांच्या नावावर शिक्कामोर्तब झाल्याची माहिती समोर आली होती. ऐनवेळी उमेदवारी घोषित केली जात असेल तर याचा अर्थ उमेदवार आधीच निश्चित करण्यात आला आहे, मग उगाचच उमेदवारीसाठी वेळ का घालवण्यात आला? असा प्रश्नही छगन भुजबळांनी या बैठकीत अध्यक्ष, कार्याध्यक्ष आणि प्रदेशाध्यक्षांना विचारला आहे.
👉 विजयी हॅट्रिकसह नितीन गडकरी यांनी घेतली कॅबिनेट मंत्रिपदाची शपथ
लोकसभेच्या पराभूत उमेदवाराला बॅक डोअर एन्ट्री का दिली जात आहे असाही सवाल छगन भुजबळांकडून करण्यात आला आहे. सुनेत्रा पवार यांच्या उमेदवारीवरून राष्ट्रवादी काँग्रेस पक्षातील एक गट नाराज असल्याची माहिती समोर येत आहे. पक्षात केवळ सुनील तटकरे, अजित पवार आणि प्रफुल पटेल हेच निर्णय घेत असून इतरांशी निर्णय प्रक्रियेबाबत सल्लामसलत होत नसल्याने एका गटात नाराजी असल्याचे पाहायला मिळत आहे.
👉 आरोप प्रत्यारोपांमध्ये वेळ घालविण्यापेक्षा गावपातळीवर आजपासून...