। अहमदनगर । दि.09 ऑगस्ट । लाखो भाविकांचे कुलदैवत आणि श्रद्धास्थान असलेल्या श्रीक्षेत्र कोरठण खंडोबा देवस्थान,पिंपळगावरोठ ा ता पारनेर या राज्यस्तरीय ब वर्ग तीर्थक्षेत्रावर श्रावण पौर्णिमा(रक्षाबंधन)उ त्सव गुरुवारी (११ ऑगस्ट) आणि कुस्त्यांचा आखाडा १४ ऑगस्टला होणार आहे.
श्री खंडोबा भक्त खंडू गुंजाळ राहणार कांदळी(वडगाव ) तालुका जुन्नर यांनी ३ लाख रुपये खर्चाचा नवीन देणगी कक्षदान रुपात देवस्थानला अर्पण केला असून या देणगी कक्षाचे उद्घाटन श्रावण पौर्णिमा उत्सवात सकाळी ११ वाजता होईल. २ वर्षानंतर कुस्त्यांचा आखाडा देवस्थान जवळ भरणार असल्याने कुस्तीप्रेमी भाविक भक्तांमध्ये मोठा उत्साह आहे,
श्रावण पौर्णिमा ११ ऑगस्टला सकाळी देवाची मंगस्नान, पूजा, साज शृंगार,अभिषेक,महाआरत ी होऊन भाविकांना मंदिर दर्शनासाठी खुले होईल. सकाळी १० वाजता श्रीखंडोबा उत्सव मूर्तीची पालखी प्रदक्षिणा मिरवणूक वाजंत्री, ताफा व ढोल, लेझीमच्या तालावर मंदिरातून प्रस्थान होईल. रक्षाबंधनानिमित्त सर्व महिला वर्गाकडून श्रीखंडोबाला भक्तीने राखी अर्पण करण्यात येते.नंतर घरोघर राखी बंधनांचा कार्यक्रम पारंपरिक पद्धतीने साजरा केला जातो.
Tags:
Ahmednagar