रुग्णांकडून जास्त दर आकारल्यास खासगी रुग्णालयांवर थेट कारवाई

जिल्हाधिकारी राहुल द्विवेदी यांचा इशारा

नगर, (दि.26) : खासगी रुग्णालयात रुग्णांकडून जादा दर आकरणी केल्यास थेट कारवाई केली जाणार असल्याचा इशारा जिल्हाधिकारी राहुल द्विवेदी यांनी दिला आहे. यामुळे आता  येथून पुढे खासगी रुग्णालरांवर जिल्हाधिकारी यांचा थेट वॉच राहणार आहे. तसेच नियमानुसार रुग्णांलयांनी त्यांच्याकडील सेवा - सुविधा पुरविणे आवश्यक असल्याचेही आदेश त्यांनी दिले आहे.

रुग्णांकडून जास्त दर आकारणी होत असल्याच्या अनेक तक्रारी  राज्य शासनाकडे सुरु आहेत. या पार्श्‍वभूमीवर जादा दर आकारणी केल्यास संबंधित खासगी रुग्णालयांवर थेट कारवाई करण्याचा  इशारा जिल्हाधिकारी राहुल द्विवेदी यांनी दिला आहे. तसेच नियमानुसार रुग्णालयांनी त्याच्याकडील सेवा - सुविधा पुरविणे आवश्यक असल्योचही आदेशात म्हंटले आहे. कोविड-19 साथरोग नियंत्रणासाठी ज्या ज्या उपायोजना करणे आवश्यक आहे. बॉम्वे नर्सिग होम, दुरुस्ती, अधिनियमाअंतर्गत विविध रुग्णालये, नर्सिंग होम, दवाखाने, यांच्याकडून रुगणांकडून जास्ती दर आकारणी करीत असल्याबाबत तक्रारी प्राप्त झाल्या आहेत.

ज्या रुग्णांना कोणतीही आरोग्य विमा उत्पादन किंवा कोणतेही हॉस्पिटल किंवा खासगी कॉपोरिटमधील करार, आरोग्य विमा संपलेल्या रुग्णांवर उपचार करण्याबाबत निर्देश देण्यात आले आहेत. यासाठी 21 मे रोजी कोराना प्रतिबंधात्मक उपायांबाबत जारी केलेल्या सार्वजनिक आरोग्य विभागाने अधिसूचनेमधील 1 ते 15 मधील तरतुदींनुसार खासगी रुग्णालयांनी अंमलबजावणी करण्याचा आदेश  जिल्हाधिकारी  यांनी  दिला  आहे.