दोन जणांना घेतले ताब्यात
। अहमदनगर । दि.23 ऑगस्ट । शेवगाव येथील नेवासा रोडवर हॉटेलमध्ये सुरू असलेल्या कुंटणखान्यावर नगर पोलीस व पुणे येथील फ्रिडम फर्म या सेवाभावी संस्थेने संयुक्त कारवाई करीत छापा टाकला. या कारवाईत दोघांना अटक करण्यात आली असून, एका अल्पवयीन मुलीला ताब्यात घेतले आहे. तर दोन मुलींची सुटका केली आहे. हॉटेल सागर येथे ही कारवाई केली गेली. या कारवाईत पोलिसांनी सचिन रुपचंद मुसावत (रा. शेवगाव) व संदीप माणिक शेळके (रा. रामनगर, शेवगाव) असे अटक केलेल्यांची नावे आहेत.
याबाबतची माहिती अशी की शेवगावमधील नेवासा रोडवर सागर हॉटेलवर लहान मुली व महिलांकडून वेश्या व्यवसाय करून घेतला जात असल्याची माहिती फ्रिडम फर्म या सेवाभावी संस्थेला मिळाली होती. त्यांनी पोलिस अधीक्षक मनोज पाटील यांची भेट घेऊन कारवाई करण्याची मागणी केली. अधीक्षक पाटील यांनी याबाबत पोलिस उपअधीक्षक (गृह) बाजीराव पोवार यांना सूचना केल्या.
त्यानंतर पोलिस निरीक्षक रणजित डेरे, अनैतिक मानवी वाहतूक प्रतिबंधक विभागाचे सहायक निरीक्षक सतीश गावीत, पोलिस हवालदार कांबळे व इतर कर्मचार्यांचे एक पथक स्थापन करून फ्रिडम फर्मच्या सदस्यांबरोबर कारवाईसाठी रवाना केले. त्यानंतर उपअधीक्षक मुंडेेही कर्मचा़र्यां सह नगर पथकासोबत हजर झाले. पथकाने एक बनावट ग्राहक हॉटेलमध्ये पाठविला. त्या ग्राहकाने इशारा दिल्यानंतर पथकाने हॉटेलमध्ये छापा टाकून दोन मुलींची सुटका केली. या प्रकरणी शेवगाव पोलिस ठाण्यात फ्रिडम फर्मचे संदेश जोगेराव (रा. पुणे) यांनी फिर्याद दिली आहे.