स्थानिक गुन्हे शाखेकडून मोटार सायकल चोरी करणाऱ्या टोळीतील 4 आरोपी जेरबंद
आरोपीकडून 6,40,000/- रूपये किंमतीच्या 5 मोटार सायकल हस्तगत
| अहिल्यानगर | दि.१६ एप्रिल २०२५ | जिल्ह्यात मोटारसायकल चोरी करणार्‍या टोळीतील चार जणांच्या मुसक्या आवळण्यात आल्या असून, त्यांच्याकडून ६ लाख ४० हजार रुपये किंमतीच्या पाच मोटारसायकली हस्तगत करण्यात आल्या आहेत.
सचिन देविदास दाने (वय २५, हल्ली रा. नांदुर्खी रोड, शिर्डी, ता. राहाता, जि. अहिल्यानगर, मुळ रा. देवदरी, ता. येवला, जि. नाशिक), विधीसंघर्षित बालक (वय १६, रा. नारळा, ता.वैजापूर, जि. छ. संभाजीनगर), प्रसाद राजेंद्र रोटे (वय १९, रा.जानेफळ, ता.वैजापूर, जि. छ. संभाजीनगर), गणेश भागीनाथ जगदाळे (वय २८, रा. जाणेफळ, ता. वैजापूर, जि. छ.संभाजीनगर) असे अटक केलेल्या चौघांची नावे आहेत.
सुरज गायकवाड (रा. बीड) हा पसार झाला आहे. स्थानिक गुन्हे शाखेचे पोलीस निरीक्षक दिनेश आहेर यांच्या मार्गदर्शनाखाली ही कामगिरी करण्यात आली आहे. जिल्ह्यात मोटार सायकल चोरीच्या घटना वाढल्याने पोलीस अधीक्षक राकेश ओला यांनी पोनि आहेर यांना मोटार सायकल चोरी करणारे आरोपींचा शोध घेऊन कारवाई करण्याचे आदेश दिले आहेत.
👉 क्लिक करुन वाचा साप्ता.विजयमार्ग
नमुद आदेशान्वये पोनिआहेर यांनी स्थानिक गुन्हे शाखा व तपास पथकातील पोसई अनंत सालगुडे व पोलीस अंमलदार दत्तात्रय हिंगडे, बापूसाहेब फोलाणे, सोमनाथ झांबरे, प्रमोद जाधव, भगवान थोरात, सुनील मालणकर, भाऊसाहेब काळे, रोहित मिसाळ, अमोल कोतकर, प्रशांत राठोड, मेघराज कोल्हे व महादेव भांड यांचे पथक नेमुन कर्जत उपविभागातील मोटारसायकल चोरीचे गुन्ह्यातील आरोपींची माहिती घेवुन गुन्हे उघडकीस आणणेबाबत आवश्यक सुचना व मार्गदर्शन करुन पथक रवाना केले.
रेकॉर्डवरील आरोपी सचिन दाने हा त्याच्या साथीदारांसह चोरीच्या मोटारसायकल विक्रीसाठी अहिल्यानगर येथून मिरजगाव, ता. कर्जत येथे येणार आहे. पथकाने ज्योतीबावाडी, ता.कर्जत येथे सापळा रचून पाच इसम विना क्रमांकाचे दोन रॉयल इनफिल्ड कंपनीची बुलेट, दोन स्प्लेंडर मोटार सायकल व एक बजाज कंपनीची पल्सर मोटार सायकलवर येत असल्याचे दिसले. एक इसम काळया रंगाचे बुलेट गाडी सोडून पळून गेला.
आरोपींचे कब्जातून ६ लाख ४० हजार रूपये किंमत त्यात २ बुलेट, २ हिरो होंडा स्प्लेंडर व १ बजाज पल्सर अशा एकूण ५ मोटारसायकल हस्तगत केल्या आहेत. मिरजगाव, राहाता, पुणे, येवला व शिर्डी येथून मोटार सायकल चोरी करून त्या विक्रीसाठी प्रसाद राजेंद्र पोटे व गणेश भागीनाथ जगदाळे यांना दिल्याची माहिती आरोपींनी दिली. मिरजगाव पोलीस स्टेशनचे अभिलेखावरून मिरजगाव पोलीस स्टेशन गुरनं २६६/२०२५ बीएनएस २०२३ चे कलम ३०३ (२) प्रमाणे मोटार सायकल चोरीचा गुन्हा उघडकीस आलेला आहे. इतर ठिकाणचे मोटार सायकल चोरीबाबत कायदेशीर कारवाई करण्यात येत आहे.