घरात गळफास घेऊन ६५ वर्षीय वृध्दाची आत्महत्या

। अहमदनगर  । दि.17 मार्च 2024 । राहत्या घरात छताला दोरीने गळफास घेऊन 65 वर्षीय वृध्दाने आत्महत्या केल्याची घटना नगर तालुक्यातील नगर संभाजीनगर रोड वरील पोखर्डी शिवारात घडली. 

पेत्रस सहादू गायकवाड (वय ६५ रा. पोखर्डी) असे मयत वृध्दाचे नाव आहे. याप्रकरणी एमआयडीसी पोलीस ठाण्यात सी आर पी सी 174 प्रमाणे आकस्मात मृत्यूची नोंद करण्यात आली आहे. पेत्रस गायकवाड यांनी राहत्या घरात गळफास घेतल्याची घटना सायंकाळी उघडकीस आली. 

त्यांना उपचारासाठी नातेवाईकांनी येथील जिल्हा शासकीय रुग्णालयात दाखल केले. दरम्यान उपचार करण्यापूर्वीच त्यांचा मृत्यू झाल्याचे तेथील डॉक्टारांनी घोषित केले. दरम्यान गायकवाड यांनी आत्महत्या का केली, याचे कारण समजू शकले नाही.