। मुंबई । दि.14 ऑगस्ट । शिवसंग्राम पक्षाचे प्रमुख विनायक मेटे यांच्या गाडीला अपघात झाला आहे. या अपघातात मेटे यांचं निधन झालं आहे. मुंबई-पुणे द्रुतगती महामार्गावर ही घटना घडली आहे. माडप बोगद्यामध्ये आज पहाटे साडेपाच वाजण्याच्या सुमारास विनायक मेटे यांच्या गाडीला भीषण अपघात झाला होता.
👉 गायी चारण्याच्या करणांवरून दोन गटात हाणामाऱ्या
मुंबई-पुणे द्रुतगती मार्गावरील माडप बोगद्याजवळ हा अपघात झाल्याची माहिती मिळत आहे. या अपघातामध्ये विनायक मेटेंना गंभीर जखमी अवस्थेत कामोठेतील एमजीएम रुग्णालयात दाखल करण्यात आलं होतं. मात्र, तिथे त्यांना मृत घोषित करण्यात आल्याची माहिती भाजपा आमदार प्रशांत ठाकूर यांनी दिली आहे.
👉 शेतकर्यावर हल्ला करून 70 हजाराचे दागिने लंपास
विनायक मेटे आपला एक सहकारी आणि बॉडीगार्ड यांच्यासोबत मुंबईच्या दिशेने येत असताना हा अपघात झाला. आज दुपारी १२ वाजता मुख्यमंत्री एकनाथ शिंदे यांच्यासोबत मराठा आरक्षणा संदर्भातील बैठकीसाठी ते मुंबईला येत होते.
👉 तपासात उत्कृष्ट कामगिरी करणाऱ्या महाराष्ट्रातील ११ पोलिसांना ‘केंद्रीय गृहमंत्री पदक’
Tags:
Breaking