। पुणे । दि.24 नोव्हेंबर । पुण्यामधील ‘आयबी गेस्ट हाऊस’ मध्ये राहत असणार्या परिचारीकेचे आंघोळ करतानाचे फोटो व व्हिडीओ काढल्याचा धक्कादायक प्रकार समोर आला आहे. येथील सुरक्षारक्षकानेच हे फोटो काढल्याचे समोर आले आले असून या घटनेमुळे चांगलीच खळबळ उडाली आहे.
हे देखील वाचा...औषधावरील आक्षेपार्ह जाहिरात कारवाई प्रकरणी...
या घटनेची माहिती अशी की, 36 वर्षीय महिलेने बंडगार्डन पोलिस ठाण्यात तक्रार दिली आहे. बंडगार्डन पोलिसांनी आरोपीला अटक केली असून तो सुरक्षारक्षक आहे. अटक करण्यात आलेल्या आरोपीचं नाव अशोक तुकाराम चव्हाण असे आहे. रविवारी मध्यरात्री हा धक्कादायक प्रकार घडला आहे.
हे देखील वाचा...महिलेचा खून करून गटारीच्या टाकीत टाकला मृतदेह
सोमवारी सकाळी महिलेनं पोलिसांत तक्रार दाखल केली. त्यानंतर पोलिसांनी तात्काळ कारवाई केली. तक्रारदार महिला या एका नामांकित सरकारी रुग्णालयात परिचारीका म्हणून कर्तव्यावर आहेत. त्या सध्या कोरोना ड्यूटीवर असल्याने त्यांची आयबी गेस्ट हाऊस येथे राहण्याची सोय करण्यात आली आहे.
हे देखील वाचा...डॉक्टरांचा सल्ला न घेता गोळ्या खाल्याने गर्भवतीचा मृत्यू !
सोमवारी मध्यरात्री त्या कामावरून गेस्ट हाऊसमध्ये आल्या. कोरोना ड्यूटी केली असल्याने त्या आंघोळ करण्यासाठी बाथरूममध्ये गेल्या. यादरम्यान ड्यूटीवर असलेल्या सुरक्षारक्षकाने त्यांच्या बाथरूमच्या खिडकीजवळ येत त्यांचे आंघोळ करतानाचे फोटो काढले. त्यांना याबाबत शंका आली. त्यामुळे त्यांनी तात्काळ बाहेर येऊन पाहणी केली. मात्र, त्यांना कुणी मिळून आले नाही. सकाळी त्यांनी बंडगार्डन पोलीसांकडे तक्रार केली होती.
हे देखील वाचा...५ लाख घरे पूर्ण करण्याचा संकल्प : ग्रामविकासमंत्री हसन मुश्रीफ
वरिष्ठ पोलीस अधिकार्यांनी महिलेनं दिलेल्या तक्रारीची गांर्भियाने दखल घेत तपासाच्या सूचना केल्या. त्यानुसार पोलीसांनी परिसरातील सीसीटीव्ही तपासले. त्यात सुरक्षारक्षक हा प्रकार करत असताना आढळून आला. त्याला ताब्यात घेऊन चौकशी केली असता त्याने चित्रीकरण केल्याची कबूली दिली. त्याला ताब्यात घेण्यात आले आहे.