गवळीवाडा येथील अतुल शंकर गुलदगड (वय 34) हा पाण्याचा टाकीजवळ असलेल्या पत्र्याच्या शेडमध्ये बिंगो नावाचा जुगारअड्डा चालवत असल्याची माहिती भिंगार कॅम्पचे साहाय्यक पोलिस निरीक्षक शिशीरकुमार देशमुख यांना मिळाली होती.
त्यानुसार त्यांच्या नेतृत्वाखालील पथकाने त्या ठिकाणी जावून छापा टाकला असता आरोपी अतुल गुलदगड हा लोकांकडून पैसे घेऊन बिंगो नावाचा हारजितीचा जुगार खेळवत असल्याचे दिसून आले. त्यामुळे पोलिसांनी त्यास ताब्यात घेऊन त्याच्याकडून काळ्या रंगाचा 32 इंची एलईडी टिव्ही व काही रोख रक्कम जप्त केली.
याप्रकरणी पो. ना.भानुदास खेडकर यांनी दिलेल्या फिर्यादीवरुन पोलिसांनी आरोपी अतुल गुलदगड याच्याविरुद्ध महाराष्ट्र जुगार प्रतिबंधक कायदा कलम 12 (अ) प्रमाणे गुन्हा दाखल केला आहे.
भीमनगर कमानीजवळील जुगार अड्ड्यावर छापा - भिंगार शहरातील भीमनगर कमानी जवळील पत्र्याच्या शेडमध्ये सुरू असलेल्या तिरट नावाच्या जुगार अड्ड्यावर भिंगार कॅम्प पोलिसांनी छापा टाकून जुगार खेळणार्या पाच जणांना ताब्यात घेतले आहे.
त्यांच्याकडून जुगारीच्या साहित्यासह 6 हजार 300 रुपयांची रोकड जप्त केली. गुरुवारी (दि.14) दुपारी 2.45 च्या सुमारास ही कारवाई करण्यात आली. या प्रकरणी 5 जणांविरुद्ध महाराष्ट्र जुगार प्रतिबंधक कायदा कलम 12 (अ) प्रमाणे गुन्हा दाखल केला आहे.
Tags:
Crime