भरवस्तीत असलेल्या किराणा दुकानाला व घराला आग लागून संपूर्ण दुकान जळून खाक झाले. अथक परिश्रमानंतर आग विझविण्यात युवकांना यश आले. या घटनेत लाखोंचे नुकसान झाले असून ही आग पहाटेच्या सुमारास शॉर्ट सर्किटने लागली असल्याची शक्यता आहे.
या जळीत किराणाचा व घराचा गुंडेगावचे तलाठी भाऊसाहेब गौडा यांनी प्राथमिक पाहणी करून पंचनामा केला असून अंदाजे आठ लाख रुपयांचे नुकसान झाले असल्याचा अंदाज व्यक्त करण्यात आला आहे.
सुदैवाने या घटनेमध्ये कोणतेही प्रकारची जिवीतहानी झाली नसून आमदार बबनराव पाचपुते यांनी जळीतांची विचारपूस करत माहिती घेतली आहे. यावेळी पाहणी करण्यासाठी गुंडेगावचे उपसंरपच संतोष भापकर, संजय कोतकर, मंगेश हराळ, संतोष सकट,
संतोष कोतकर, शिवनाथ कोतकर,संदिप धावडे, विशाल पिंपरकर, शैलैज पिपरकर,संजय भापकर याच्या समक्ष तलाठी भाऊसाहेब यांनी पंचनामा करण्यात आला आहे व पुढील कार्यवाही साठी तहसीलदार कार्यालयाकडे पंचनामा पाठवला आहे.