१०५ गुन्ह्यात ९५ आरोपींना अटक करत १६ लाख २७ हजारांचा मुद्देमाल हस्तगत
दारूबंदी सप्ताहात अहमदनगर राज्य उत्पादन शुल्क विभागाची कामगिरी
। अहमदनगर । दि.14 ऑक्टोबर । अहमदनगर राज्य उत्पादन शुल्क विभागाने दारूबंदी सप्ताहात अवैध दारू विक्री विरोधात १०५ गुन्हे नोंदवून ९५ आरोपींना अटक केली आहे. १६ लाख २७ हजार रूपयांचा मुद्देमाल जप्त केला आहे. अशी माहिती राज्य उत्पादन शुल्क विभागाचे जिल्हा अधीक्षक गणेश पाटील यांनी प्रसिध्दीपत्रकाद्वारे दिली आहे.
जिल्ह्यात २ ते ८ ऑक्टोंबर २०२२ या कालावधीत दारूबंदी सप्ताह राबविण्यात आला. या सप्ताहात अवैध मद्यविक्री, वाहतूक, तसेच हातभट्टीवरील दारुविक्री, निर्मिती व अवैध ताडी विक्री विरोधात प्रभावीपणे कारवाई करण्यात आली. १०५ गुन्ह्यांची नोंद करुन ९५ आरोपीना अटक करण्यात आलेली आहे.
त्यात देशीदारू - ३५४.०२ लीटर, विदेशीदारू- ११८.८८ लीटर, बिअर- १६.२५ लीटर, रसायन -१८०१० लीटर. हातभटटी दारु- १२०० ली व ताडी- ६५ लीटरसह १६ वाहने असा एकूण १६ लाख २७ हजार ५०० रूपयांचा मुद्देमाल जप्त करण्यात आला.
सदर कारवाई राज्य उत्पादन शुल्कचे पुणे विभागीय उप आयुक्त अनिल चासकर, राज्य उत्पादन शुल्कचे अधीक्षक अधीक्षक गणेश द. पाटील व उप अधीक्षक नितेश बी. शेंडे यांच्या मार्गदशनाखाली करण्यात आली.
अवैध मद्य, हातभटटी दारुवर यापुढे सातत्याने कारवाई करण्यात येणार आहे. जिल्ह्यातील नागरिकांनी विभागाचा टोल फ्री क्रमांक १८००२३३९९९९ व व्हॉट्सअॅप क्रमांक ८४२२००११३३ वर अवैद्य मद्याच्या तक्रारी नोंदवाव्यात. असे आवाहनही श्री.पाटील यांनी केले आहे.
----------
📌नाशिक विभाग पदवीधर मतदारसंघासाठी नागरिकांनी मतदार म्हणून नाव नोंदणी करावी : जिल्हाधिकारी डॉ.राजेंद्र भोसले
📌अतिवृष्टीच्या निकषात न बसणाऱ्या शेतकऱ्यांना दिलासा; ७५५ कोटी रूपयांचे आर्थिक सहाय्य