। अहमदनगर । संगमनेर । दि.01 जून 2022 । मित्रांसोबत प्रवरा नदीला पोहण्यास गेलेल्या संकेत वाडेकर (वय १९, साकूर मांडवे) या महाविद्यालयीन युवकाचा बुडून मृत्यू झाला. तो संगमनेर महाविद्यालयात प्रथम वर्षात शिकत होता.
ही दुर्दैवी घटना मंगळवारी सायंकाळी गंगामाई घाटावर घडली. संकेत मित्रांसमवेत नदीपात्रात पोहण्यासाठी उतरला होता. पाण्याचा व खड्ड्याचा अंदाज न आल्याने तो बुडाला. घटनेची माहिती मिळताच पोलिस निरीक्षक मुकुंद पवार घटनास्थळी दाखल झाले. जलपटूंनी त्याला सापडण्याचा प्रयत्न केला.
मात्र तो खड्ड्यातील गाळात अडकला होता. तासभराच्या प्रयत्नानंतर संकेतचा मृतदेह बाहेर काढण्यात येऊन शवविच्छेदनासाठी पालिकेच्या कुटीर रुग्णालयात नेण्यात आला. नागरिकांनी यावेळी मोठी गर्दी केली होती. या घटनेने हळहळ व्यक्त होत आहे.
उकाड्यामुळे प्रवरा नदीवर पोहणाऱ्यांची गर्दी वाढली आहे. वाळू तस्करीमुळे प्रवरा पात्रात मोठे खड्डे पडल्याने पाणी व खड्ड्यांचा अंदाज येत नसल्याने या घटना घडतात. नदी पात्रात पोहण्यास उतरताना नागरिकांनी काळजी घ्यावी, असे आवाहन प्रशासनाने केले आहे.
---------------
अहमदनगर-पुणे मार्गावर धावली राज्य पर‍िवहन महामंडळाची राज्यातील पह‍िली ‘ई-बस’
एसटी बससेवा राज्याच्या प्रगतीचा अविभाज्य घटक : मुख्यमंत्री उद्धव ठाकरे
एमपीएससीमध्ये प्रमोद चौगुले राज्यात प्रथम तर महिलांमधून रुपाली माने अव्वल