। मुंबई । दि.31 जून 2022 । महाराष्ट्र राज्य लोकसेवा आयोगामार्फत या परीक्षेची गुणवत्ता यादी ही प्रसिद्ध करण्यात आली असून या गुणवत्ता यादीमधील समान गुण धारण करणाऱ्या उमेदवारांबाबत प्रस्तुत परीक्षेच्या जाहिरातीच्या वेळी अस्तित्वात असलेल्या नियमानुसार कार्यवाही करण्यात आली असल्याचे एमपीएससीने आपल्या पत्रकात म्हटले आहे.
या परीक्षेचा निकाल समांतर आरक्षणाच्या व अन्य मुद्यांसंदर्भात विविध न्यायालयात न्यायाधिकरणात दाखल न्यायिक प्रकरणातील अंतिम न्याय निर्णयाच्या आधी राहून जाहीर करण्यात आला आहे. या निकालानुसार दिव्यांग अनाथ खेळाडू मागास इत्यादीसाठी आरक्षित पदावर शिफारस पात्र उमेदवारांची शिफारस सक्षम प्राधिकरणाकडून तपासणी करण्याच्या अधीन राहूनच करण्यात येणार असल्याचेही आयोगाने स्पष्ट केले आहे.
महाराष्ट्र लोकसेवा आयोग अर्थात एमपीएससीकडून आज दोन वेगवेगळे निकाल जाहीर करण्यात आले असून आयोगाने राज्यसेवा मुख्य परीक्षा, 2020 चा अंतिम निकाल आणि महाराष्ट्र स्थापत्य अभियांत्रिकी सेवा मुख्य परीक्षा, 2020 ची सर्वसाधारण गुणवत्ता यादी आयोगाच्या संकेतस्थळावर प्रसिद्ध केली आहे. या निकालानुसार गुणवत्ता यादीत आलेल्या एकूण 200 पदांवर उमेदवारांची शिफारस करण्यात येत असल्याचेही आयोगाने म्हटले आहे.
-----------------
अविनाश भोसलेंना 8 जूनपर्यंत सीबीआय कोठडी
दुकाने, आस्थापनावरील मराठी पाट्या लावण्याची मुदत आज संपणार
केंद्रीय मंत्री नितीन गडकरी व ज्येष्ठ नेते शरद पवार यांचे ही शेतकऱ्यांना मार्गदर्शन