हि घटना रविवारी पहाटे घडली. यामुळे नागरिकांमध्ये भीतीचे वातावरण आहे. वामन यांचा घराशेजारी गायांचा गोठा आहे. या गोठ्यात शेळ्याही बांधल्या होत्या. रविवारी पहाटे ४ वाजता ३ बिबट्यांनी गोठ्याची जाळी वर करत शेळ्यांवर हल्ला चढवला.
२ शेळ्या ठार केल्या. तर एक जखमी झाली. जनावरांच्या ओरडण्याच्या आवाजाने वामन परिवार जागा झाला. त्यांनी आरडाओरडा केल्याने बिबटे पसार झाले. वनमजूर संपत ढेरंगे यांनी घटनेचा पंचनामा केला. या परिसरात बिबट्यांनी लक्षणीय संख्या असून येथे वनविभागाने पिंजरे लावावेत, अशी मागणी नागरिकांनी केली.