वाळु वाहतुकीची गाडी विना कारवाई सोडण्यासाठी मागितली लाच
नगर, (दि.29 डिसेंबर) : येथील कोपगरगाव तालुक्यातील तक्रारदाराच्या वाळू वाहतूक करणार्या ट्रक विनाकारवाई शहरातून पास करुन देण्यासाठी एक हजारांची लाच स्वीकारताना दोन पोलिस कर्मचारी ’एसीबी’च्या जाळ्यात अडकले आहेत.
लाचलुचपत प्रतिबंधक विभागाच्या नगरमधील पथकाने नाशिक जिल्ह्यातील मनमाड येथे ही कारवाई केली.
यामध्ये संतोष बाळु पागी (वय 35, पोलीस नाईक ब न. 1976.वर्ग 3 रा- हल्ली मु.श्री आंधळे यांचे घरात भाड्याने, माधव नगर, लासलगाव रोड मनमाड, मुळ रा.बापन विहीर, ता.त्र्यंबकेश्वर जि नाशिक) व दिलीप बाजीराव निकम( वय 51, पोलीस हवालदार ब नं 2432, वर्ग 3रा मु पो साकुरा, ता.नांदगाव जि नाशिक) दोघे नेमणूक-मनमाड शहर पोलीस ठाणे.ता.मनमाड, जि नाशिक, अशी आरोपींची नावे आहेत.
तक्रारदार यांच्या वाळुच्या तीन ट्रक अधिकृतपणे गुजरात ते शिर्डी अशी वाळु वाहतूक करतात. सदरच्या ट्रक मनमाड शहर पोलीस ठाणे हद्दीतुन पास होताना त्यांची अडवणूक करुन काही कायदेशीर कारवाई न करणे करिता पोलिस नाईक पागी व पोलिस हवालदार निकम यांच्य विरोधात तक्रार दाखल केली होती.
एक हजार रुपयांची मागणी करुन ती लाचेची रक्कम मनमाड शहरातील मनमाड चौफुली येथे स्विकारताना आरोपींना रंगेहाथ पकडण्यात आले. सापळा अधिकारी शाम पवरे यांच्या पथकाने ही कामगिरी केली आहे.