। अहिल्यानगर । दि.13 मे 2025 । एमआयडीसी परिसरात चालणार्या 2 जुगार अड्डयांवर स्थानिक गुन्हे शाखेच्या पथकाने छापे टाकून या छाप्यामध्ये 17 आरोपीसह 2 लाख 27 हजार 930/-रू किंमतीचा मुद्देमाल जप्त केला.
पोलीस अधिक्षक राकेश ओला यांनी स्थानिक गुन्हे शाखेचे पोनि दिनेश आहेर यांना जिल्ह्यामधील अवैध व्यावसायिकांची माहिती काढुन कारवाई करणेबाबत आदेश दिलेले आहेत. नमुद आदेशाप्रमाणे पोनि दिनेश आहेर यांनी स्थानिक गुन्हे शाखाव तपास पथकातील पोसई अनंत सालगुडे व पोलीस अंमलदार बिरप्पा करमल, संतोष खैरे, सोमनाथ झांबरे, शिवाजी ढाकणे, रणजीत जाधव, आकाश काळे, अमृत आढाव, जालींदर माने, विशाल तनपुरे अशांचे पथक तयार करून एमआयडीसी पोलीस स्टेशन हद्दीत अवैध धंदयाची माहिती काढुन कारवाई करणेबाबत सुचना देऊन पथक रवाना केले.
दि.11 मे रोजी पथकाने एमआयडीसी पोलीस स्टेशन हद्दीत अवैध धंदयाची माहिती काढुन, सहयाद्री चौक ते चाकण ऑईल मिल रोडलगत हॉटेल जनता दरबार पाठीमागील पटांगणात व वडगाव गुप्ता ते शेंडी जाणारे रोडलगत उघडमळा, वडगाव गुप्ता येथील शेतात अशा दोन ठिकाणी चालणार्या जुगार अड्डयांवर छापे टाकुन कारवाई केली.पथकाने केलेल्या कारवाईमध्ये एमआयडीसी पोलीस स्टेशनला महाराष्ट्र जुगार कायदयान्वये 17 आरोपीविरूध्द 02 गुन्हे दाखल करण्यात येऊन 2 लाख 27 हजार 930/- रूपये किंमतीचा मुद्देमाल जप्त करण्यात आलेला आहे.
सदर कारवाई पोलिस अधीक्षक राकेश ओला, अपर पोलिस अधीक्षक प्रशांत खैरे, उपविभागीय पोलीस अधिकारी नगर ग्रामिण उपविभाग संपत भोसले यांचे सुचना व मार्गदर्शनाखाली स्थानिक गुन्हे शाखेचे पोलीस अधिकारी व अंमलदार यांनी केलेली आहे.