नगर, (दि.20 नोव्हेंबर) : कर्जत तालुक्यातील हिंगणगांव शिवारामध्ये ऊस वाहतूक करणार्या ट्रॅक्टरची दुचाकीला धडक बसल्याने अंकुश शेळके (रा.पार, ता.श्रीगोंदा) यांचा मृत्यू झाला आहे.
या अपघातात त्यांची पत्नी सुमन शेळके या गंभीर जखमी झाल्या आहेत. कर्जत तालुक्यातील हिंगणगाव शिवारामध्ये दोन ट्रॉली एकमेकांना जोडून ट्रॅक्टर द्वारे ऊस वाहतूक केली जाते.
अशाच टॅ्रक्टरची शेळके यांच्या दुचाकीला धडक बसली. अंकुश हे दुचाकीवरुन खाली पडून ऊसाने भरलेल्या ट्रॉलीच्या चाकाखाली सापडले. यात त्यांचा मृत्यू झाला. त्याच्यासोबत असलेल्या पत्नी सुमन या देखील या अपघातात गंभीर रित्या जखमी झाल्या आहेत. त्याच्यावर उपचार सुरु आहेत.