। अहमदनगर । दि.11 नोव्हेंबर । दुचाकीवरून प्रवास करणार्‍या महिलेची दिशाभूल करून सव्वा तोळ्याचे मिनी गंठण अज्ञात चोरट्याने लंपास केले. बुधवारी दुपारी पर्वत हॉटेल ते राशिन माता मंदिराचे दरम्यान महात्मा फुले चौकाकडून सहकार सभागृहाकडे जाणार्या रोडवर ही घटना घडली. या प्रकरणी कोतवाली पोलीस ठाण्यात जबरी चोरीचा गुन्हा दाखल करण्यात आला आहे.
मुंबई-पुणे द्रुतगती मार्ग ‘मिसिंग लिंक’ प्रकल्प देशात पथदर्शी ठरेल-मुख्यमंत्री एकनाथ शिंदे
सपना सुनील पटवा (वय 40 रा. सावी हॉस्पिटलशेजारी, सारसनगर) यांनी फिर्याद दिली आहे. फिर्यादी व त्यांची भाची बुधवारी दुपारी मोपेड दुचाकीवरून महात्मा फुले चौकाकडून सहकार सभागृहाकडे जात असताना पर्वत हॉटेल ते राशिन माता मंदिराजवळ पाठीमागून आलेला एक दुचाकीस्वार त्यांना म्हणाला,
अल्पसंख्याक समाजातील विद्यार्थ्यांनी योजनांचा लाभ घेण्याचे मुख्यमंत्री एकनाथ शिंदे यांचे आवाहन
‘साडीचा पदर खाली लटकतोय’, असे म्हटल्याने फिर्यादीने दुचाकी रस्त्याच्या बाजुला थांबवली व पदर नीट करत असताना दुचाकीवरील व्यक्तीने फिर्यादीच्या गळ्यातील सव्वा तोळ्याचे सोन्याचे मिनी गंठण ओरबडले.
फिर्यादी व त्यांची भाची यांनी त्या चोरट्यास विरोध केला असता त्याने त्यांना धक्काबुक्की केली असल्याचे फिर्यादीत म्हटले आहे. घटनेची माहिती मिळताच पोलीस उपअधीक्षक (नगर शहर) अनिल कातकाडे, पोलीस निरीक्षक संपत शिंदे यांनी घटनास्थळी धाव घेतली. अधिक तपास पोलीस उपनिरीक्षक मनोज कचरे करीत आहेत.