सावेडीत घरात घुसून महिलेचा विनयभंग

। अहमदनगर । दि.02 मार्च । घरात घुसून बळजबरीने महिलेचा हात धरून विनयभंग केल्याची घटना सावेडी उपनगरात घडली. याप्रकरणी तोफखाना पोलीस ठाण्यात विनयभंग

करणारा शंकर येमूल (पूर्ण नाव माहिती नाही, रा. श्रमिकनगर, अहमदनगर) याच्याविरूध्द गुन्हा दाखल करण्यात आला आहे.

सकाळी साडेदहा वाजेच्या सुमारास फिर्यादी त्यांच्या घरामध्ये असताना शंकर येमूल हा बळजबरीने त्यांच्या घरात घुसला. त्याने फिर्यादीचा उजवा हात धरून त्यांना त्याच्याजवळ ओढले व त्यांच्यासोबत गैरवर्तन करून तेथून निघून गेला, असे फिर्यादीत म्हटले आहे. 

फिर्यादी यांनी तोफखाना पोलीस ठाण्यात विनयभंग करणारा शंकर येमूल याच्याविरोधात फिर्याद दिली. पोलिसांनी गुन्ह्याची नोंद केली आहे. घटनास्थळी पोलीस निरीक्षक ज्योती गडकरी, सहायक पोलीस निरीक्षक नितीन रणदिवे यांनी भेट दिली असून पुढील तपास पोलीस नाईक संभाजी बडे करीत आहेत.