चेन स्नॅचिंग काही थांबेना
। अहमदनगर । दि.19 फेबु्रवारी । नगरमध्ये चेन स्नॅचिंगचे प्रकार थांबण्याचे नाव घेईनात. दुचाकीवरून आलेल्या दोन चोरट्यांनी एका महिलेच्या गळ्यातील दोन तोळ्याचे सोन्याचे मंगळसूत्र हिसकावून पोबारा केला.
बुधवारी दुपारी साडेचार वाजेच्या सुमारास सावेडी उपनगरातील समतानगरमध्ये ही घटना घडली. याप्रकरणी रात्री उशिरापयरत तोफखाना पोलीस ठाण्यात गुन्हा दाखल करण्याचे काम सुरू होते.
दरम्यान घटना सीसीटीव्हीत कैद झाली असून लाल रंगाच्या दुचाकीवरून आलेल्या चोरट्यांचा चेहरा स्पष्ट दिसून येत आहे. पोलिसांनी त्यादृष्टीने तपास सुरू केला आहे.
धूमस्टाईलने महिलांच्या गळ्यातील दागिने चोरणार्या काही टोळ्या पोलिसांनी मध्यंतरी जेरबंद केल्या होत्या. त्यामुळे नगर शहरातील सोनसाखळी चोरीच्या घटना कमी झाल्या होत्या. आता पुन्हा धूमस्टाईल चोरट्यांनी धुमाकूळ सुरू केला आहे.
बुधवारी दुपारी समतानगरमधील महिला रस्त्याने पायी चाललेली असताना पाठीमागून दुचाकीवर आलेल्या चोरट्यांनी काही क्षणात त्या महिलेच्या गळ्यातील मंगळसूत्र हिसकावून पोबारा केला. घटना सीसीटीव्हीत कैद झाली आहे.
Tags:
Breaking