। अहमदनगर । दि.15 फेब्रुवारी । पोलिस प्रशासनाकडून केल्या जाणार्या अवैध दारूवरील कारवाईमध्ये जप्त करण्यात आलेला मुद्देमाल नष्ट करण्याचे काम सुरू करण्यात आले आहे. तोफखाना पोलिसांनी लाखो रुपयांची पकडलेली अवैध देशी व विदेशी दारू नष्ट केली आहे.
तोफखाना पोलीस ठाण्याच्या हद्दीत मागील काही वर्षांमध्ये लाखो रुपयांची देशी व विदेशी अवैध व बनावट दारू कारवाईमध्ये जप्त करण्यात आली होती. अनेक वर्षांपासून हा साठा पडून होता.
पोलिस निरीक्षक ज्योती गडकरी यांनी वरिष्ठांची परवानगी घेऊन व रितसर पंचनामा करून हा मुद्देमाल नष्ट करण्याचे काम सुरू केले आहे. सुमारे आठ ते दहा लाख रुपयांची बनावट व विक्रीसाठी चाललेली पकडलेली दारू यात नष्ट करण्यात आल्याचे गडकरी यांनी सांगितले.
Tags:
Breaking