मारकडवाडीत बॅलेट पेपरवर मतदानाची प्रक्रिया रद्द
ग्रामस्थांनीच केली होती बॅलेट पेपरवर निवडणूक प्रक्रिया
। मुंबई । दि. 04 डिसेंबर 2024 । मारकडवाडी ग्रामस्थांच्या वतीने मंगळवारी बॅलेट पेपरवर निवडणूक प्रक्रिया सुरू करण्याची तयारी झाली होती. मात्र पोलीस प्रशासनाने एक जरी मतदान झाले तर साहित्य जप्त करून गुन्हे दाखल करू, असा इशारा दिला.
मात्र आता मारकडवाडी येथील बॅलेट पेपरवरील अभिरूप मतदान प्रक्रिया रद्द करण्यात आली असून पोलिसांच्या गुन्हे दाखल करण्याच्या इशाऱ्यानंतर मतदान प्रक्रियेतून माघार घेण्यात आल्याची माहिती मिळत आहे.
पोलिसांबरोबर आमदार उत्तम जानकर यांनी चर्चा केली असून पोलिसांच्या चर्चेनंतर उत्तम जानकर यांनी मतदारांशी चर्चा करून निर्णय जाहीर केला आहे.
Tags:
Politics