। अहमदनगर । दि.15 ऑगस्ट 2023 । संगमनेर येथील जलजीवन मिशन पाणी पुरवठा योजनेचे लोखंडी पाईप चोरी करणारी आंतरराज्या टोळी स्थानिक गुन्हे शाखेने जेरबंद केली. पोलिस अधिक्षक राकेश ओला यांच्या मार्गदर्शनाखाली स्थानिक गुन्हे शाखेचे पोनि दिनेश आहेर यांच्या पथकाने समांतर तपास करुन हा गुन्हा उघडकिस आणला आहे. यामध्ये आरोपींकडून 34,76,364 /- रुपये किंतीचे विविध प्रकारचे 367 पाईप सह ताब्यात घेवुन संगमनेर तालुका पोलीस स्टेशन येथे हजर केले आहे. पुढील तपास संगमनेर पोलिस करत आहेत.
माहिती अशी की, फिर्यादी सचिन शरद रेवगडे (वय 32, धंदा इंजिनीअर, रा.हिवरगांव आंबरे, ता.अकोले) हे लक्ष्मी सिव्हील इंजिनीअरींग सर्व्हीसेस प्रा.लि.कोल्हापूर यांचे मार्फत आर.एम.कातोरे अॅण्ड कंपनी संगमनेर येथे साईट इंजिनिअर म्हणुन नोकरीस आहेत. कंपनीने तळेगांव दिघे व इतर वीस गावांचा जलजीवन मिशन अंतर्गत पाणी पुरवठा योजनेचे काम सुरु होते. या कामावरील 43.,05,523/- रुपये किंमतीचे लोखंडी पाईप कोणीतरी अनोळखी इसमांनी चोरुन नेले होते. याबाबत संगमनेर येथे गुन्हा दाखल करण्यात आला होता.
स्थानिक गुन्हे शाखेचे पोनि दिनेश आहेर यांना मिळालेल्या गुप्त माहितीवरून पथकाने गौरीगंज, उत्तरप्रदेश येथे जावून संशयीत इसम नामे शिवकुमार सरोज याचे वास्तव्याबाबत माहिती घेवुन त्यांचे राहते घरा जवळ जावुन खात्री करता त्याचे घरा जवळ लोखंडी पाईप दिसले. पथकाने खात्री होताच घरामध्ये उपस्थित असलेल्या इसमास पोलीस पथकाची ओळख सांगुन त्यांचे नाव गांव विचारले असता त्यांनी आपली नावे शिवकुमार नानकऊ सरोज ( रा.गौरीयाबाद, तहसिद गौरीगंज, उत्ताप्रदेश) असे सांगितले.
त्यांचेकडे घराजवळ असलेल्या लोखंउी पाईप बाबत विचारपुस करता सुरुवातीस तो उडवाउडवीचे उत्तर देवू लागला त्यास अधिक विश्वासत घेवुन चौकशी करता त्याने त्यांचे इतर साथीदार यामध्ये अरशद हसन खान (रा.राज्य राजस्थान), मोबीन जगमाल खान, अहमद उस्मान खान, खालीलमहंमद इसराईल खान,सुनिल रामअवतार कुमार, खुर्शिद मंगल खान, मोहमंद आरिफ जोरमल, तय्यब मंगलखान ( सर्व राहणार मेवाड, राज्य हरियाणा ), हासिम बसरु खान, अलीम करीउद्दीन मोहमंद अफजल जोरमल तिन्ही रा नुहा राज्य हरीयाणा, ताजमंहमद रहेमान (रा.राज्य राजस्थान), रईस इसाक खान (रा.राज्य हरीयाणा), बबलु पुर्ण नाव व गांव माहित नाही (फरार) अशा साथीदारां सोबत ट्रक क्र.आरजे 11 जीसी 0893, क्र. एचआर/74 ए/ 7591 व , क्र.एचआर/74ए 3982 मधुन संगमनेर,जिल्हा अहमदनगर येथुन लोखंडी पाईप ट्रकमध्ये भरुन चोरी केल्याची कबुली दिली.
ही कारवाई पोलिस अधिक्षक राकेश ओला, श्रीरामपूरच्या अपर पोलिस अधीक्षक स्वाती भोर,उपविभागयी पोलिस अधिकारी सोमनाथ वाघचौरे, संगमनेर विभाग यांचे सुचना व मार्गदर्शनाखाली स्थानिक गुन्हे शाखेचे पोनि दिनेश आहेर, पोसई सोपान गोरे, पोहेकॉ मनोहर गोसावी, दत्तात्रय गव्हाणे, देवेंद्र शेलार, रविंद्र कर्डिले, सचिन आडबल, संतोष लोंढे, विजय ठोंबरे, फुरकान शेख, संतोष खैरे, अमृत आढाव, रोहित मिसाळ, किशोर शिरसाठ, मेघराज कोल्हे, प्रशांत राठोड पोलीस अधिकारी व अंमलदार यांचे पथक नेमुन वरील चोरीचा तपास केला.