लाच मागणारी महिला तलाठी अन् कोतवाल लाचलुचपत प्रतिबंधक विभागाच्या जाळ्यात...

। अहमदनगर । दि.18 सप्टेंबर ।  तक्रारदार यांचे आजोबांचे मृत्यू पत्राप्रमाणे तक्रारदाराचे वडील व काकांचे नावे शेतजमिनीचा सातबारा उतार्‍यावर नाव लावण्यासाठी 4 हजारांची लाच स्विकारल्यानंतर महिला तलाठी व कोतवाल अलगत नाशिक लाचलुचपत प्रतिबंधक विभागाच्या जाळ्यात अडकले आहे. हा प्रकार दि.17 रोजी पथकाने संगमनेर तालुक्यातील निमगाव जाळी येथे ही कारवाई करण्यात आली.

याप्रकणात श्रीमती स्वाती बबनराव झुराळे, (वय-31वर्ष, व्यवसाय- नौकरी, तलाठी, सजा निमगाव जाळी,  तहसील संगमनेर, जि.अहमदनगर, वर्ग-3) व संदीप लक्ष्मण तांबे (वर 31 वर्ष, व्यवसाय-नौकरी, कोतवाल, सजा निमगाव जाळी, ता. संगमनेर, जि.अहमदनगर) यांच्या वर कारवाई करण्यात आली आहे.                                                                                                                  

ही कारवाई नाशिक लाचलुचपत प्रतिबंधक विभागाचे पोलीस अधीक्षक सुनील कडासने, अपर पोलिस अधीक्षकनिलेश सोनवणे, पोलिस उपअधीक्षक सतीष भामरे यांच्या मार्गदर्शनाखाली सापळा नाशिक विभागाचे लाचलुचपत प्रतिबंधक विभागाचे पोलिस निरीक्षक जयंत शिरसाठ,  पोलिस निरीक्षक सह सापळा अधिकारी श्रीमती मीरा अदमाने, सापळा पथक पोना नितीन कराड, पोना प्रभाकर गवळी, पोना प्रविण महाजन, चापोहवा संतोष गांगुर्डे यांनी केली.

यावेळी आवाहन करण्यात आले आहे की, नागरिकांकडे कोणत्याही शासकीय अधिकारी, कर्मचारी यांनी किंवा त्यांच्या वतीने खाजगी इसमाने त्यांचे कोणतेही शासकीय काम करून देण्यासाठी लाचेची मागणी केल्यास तात्काळ संपर्क साधावा. *अँन्टी करप्शन ब्युरो नाशिक * टोल फ्रि क्रमांक. 1064