माहिती अशी की, येथील नगर-मनमाड रस्त्यावर आज दुपाराच्या सुमारास अॅक्सिस बँकेतून एकाने पैसे काढून ते येथील सराफ दुकानासमोर आले असता, त्यांनी त्यांच्या स्कार्पिओ गाडीत सदर पैशाची बँक ठेवली. त्यावेळी मोटारसायकलवरुन दोन इसम आले त्यांनी स्कर्पिओला धडक देऊन स्कार्पिओ गाडीच्या मालकाशी हुज्जत घातली.
या संधीचा फायदा घेत अन्य दोन इसम गाडीजवळ आले त्यांनी काय झाले, अशी विचारणा केली असता नजर चुकवून त्यांनी गाडीतील बॅग काढून घेऊन मनमाड रोडला पोबारा केला. यानंतर येथील हुज्जत घालणार्या दोघांनी देखील या ठिकाणवरुन पयालन केले. याची माहिती मिळताच शहर विभागाचे पोलिस उपअधीक्षक विशाल ढुमे, तोफखाना पोलिस ठाण्याच्या निरीक्षक ज्योती गडकर यांनी तात्काळ घटनास्थळी भेट दिली.
गडकरी यांनी माहिती घेऊन आरोपीच्या शोधार्थ दोन पथके रवाना केली आहेत. भरदिवसा चोरीचा प्रकार घडल्यामुळे एकच खळबळ उडाली आहे. पोलिसांनी सीसीटीव्ही फुटेज ताब्यात घेतले आहे. त्यादृष्टीने तपास सुरु करण्यात आला आहे. या घटनेत चार आरोपींचा समावेश असण्याची शक्यता वर्तवली जात आहे.