संगमनेर नगर परिषदेचे नव्याने रुजू झालेले मुख्याधिकारी तथा प्रशासक रामदास कोकरे यांनी नगरपरिषदेच्या कारभाराची सूत्रे हाती घेताच शहराची स्वच्छता व घनकचरा व्यवस्थापन अंतर्गत कचर्याचे विलगीकरण तसेच सिंगल युज प्लास्टिक पिशवी व इतर प्लास्टिकच्या बाबत लक्ष केंद्रित केले.
संगमनेर नगर परिषदेने सिंगल युज प्लास्टिक पिशवी व इतर प्लास्टिकच्या वस्तू यांच्या वापरावर व साठा करण्यावर तसेच विक्रीवर बंदी घातलेली असताना देखील काही व्यापारी सर्रासपणे प्लास्टिक पिशवीचा साठा व तसेच इतर प्लास्टिकच्या वस्तूंची विक्री करतांना निदर्शनास आले. तपासणी करत सुमारे दीड टन प्लास्टिक यामध्ये सिंगल युज प्लास्टिक पिशवी, चमचे, 1/2लास, डिश आदी इतर वस्तूंचा समावेश असलेले प्लास्टिक जप्त केले. प्रत्येकी पंचवीस हजार रुपयांची दंडात्मक कारवाई करण्यात येऊन त्यांच्याकडून दंडाची र क्कम वसूल करण्यात आली.